السلام عليكم ورحمة الله وبركاته
كيفك يا اعضاء القروب
ما اطول عليكم
بس بالنسبة لأي شخص يبحث عن كورسات لغة المانية في جدة زيي فأنا اتصلت بالقنصلية الألمانية وقالولي في المدرسة الألمانية في قرية الندى(ندى كموباوند) بجدة بتقدم كورسات وشهاداتهم معتمدة
فأخذت رقم المدرسة منهم واتصلت عليهم وقالولي انه الكورس القادم حيبدأ في أخر شهر يونيو القادم 2012 والي حابب يسجل يتصل على المدرسة بترد عليكم وحدة بتتكلم معاكم انجليزي وهي بتعطيكم المعلومات اما بالنسبة لعنوان ورقم المدرسة
الرقم:02/6913584
العنوان :
خليك ماشي شمال جدة في شارع المكرونة وبعد ما تعدي دوار الهندسة حيجيك مطعم برجر ماكدونالدز على يمينك وبتاخدوا يمين بعدها حتمشي شوية حتلاقي القرية على يسارك
وعلى العموم الي ما فهم الشرح يدخل على خرائط قوقل ويلاقيها هناك
الأفضل تتصلوا بالصباح لأنه دوام الادارة صباحي فقط
اسف على الاطالة
بس حبيت افيدكم بالتوفيق للجميع