الكبل اللي البنيه تريد تزوج والولد يكضيهه غراميات

شايفين الكبل اللي بي البنية تريد تتزوج والولد يريد يكضيها غراميات

.................................................. .................................................. .............................
البنية : حبيبي شنو رايك بالزواج
الولد (بينة وبين نفسه اهو هم فتحتي هذا الموضوع) : حبيبتي خل نحجي بفد شي لاخ فد شي مهم (علساس الزواج مو مهم)
الولد(يريد يبدل موضوع): حبيبتي شفتي الفلم مال البارحة
البنية: اي شفته يخبل وبالنهاية البطل والبطلة تزوجو شفت شلون

الولد (اهووووووووو خل ابدل موضوع) : حبيبتي شنو رايج بالدراسة والجامعة
البنية : كلش زينة احنة لازم نجد ونتعب بالدراسة حتى اول منكمل نتزوج

الولد (لك شحجاني علدراسة خل اكلب موضوع): حبيبتي شنو رايج بالطماطة
البنية : اوه الطماطة تخبل طبعا اني اسوي فد زلاطة خرافية ونياله لابن الحلال اللي راح يتزوجني والله لا اشبعة زلاطة

الولد (يعني شلون وياهه راح اجيلهه بموضوع متكدر تربطة بالزواج) : حبيبتي شنو رايج بالطوبة شفتي برشلونه شلون فاز البارحة (علساس شلون البنات يتابعن الدوري الاسباني)
البنية: حبيبي الطوبة رياضة كلش حلوة اصلا اني اذا تزوجت وجبت ولد اريدهم يطلعون لواعيب طوبة انته شتكول اذا تزوجت هم تسوي نفس الشي

الولد راح يتخبل : حبيبتي شنو رايج بالانتحار
البنية : حبيبي الانتحار مو زين بس تدري انه المتزوجين نسبة الانتحار عدهم اقل من العزاب

الولد : شوفي دا اكلج اني ما اريد زواج تكضيها غراميات وياية لو اروح اشوف وحدة غيرج
البنية : لا لتروح اكضيها وياك بس اريد اسالك شغلة وحدة اذا تزوجنا وين نسوي الحفلة

الولد : يبوووووووووووووووووه

ههههههههههههههههههههههههههه

اتمنى عجبتكم.......

هههههههه رهيبة .. بس هسه اغلب الكبلات ديكضون فترة الكلية خطوبة ( مثل مايكولون الولد يحجز البنية والبنية تحجز الولد حتى لايطيرون ) وبعدين ورة التخرج يفسخون الخطوبة .. قصدي يتزوجووووون .. تحياتي لكل الكبلات

ههههههههه دكتور سامر على كولة ابو المثل الشاعر المشهور خلي يولن
وين اكو هيج حجي اصلا اغلب الكبلات علاقتهم فاشله 1% تنجح

وتحياتي للكبلات

هههههههههه تره فد شي حيل حلو بس صحيح اهم شي البنية تزوج ....

ولله حقهن البنات لان احنه الولد مهددين بلانقراض بلعراق .........................تحياتي

هههه بس ديرو بالكم لتشوفون نفسكم شوفه لان الحلوه ميعجبهه العجب

خخخخخ

احنه مشايفين نفسنه بس واقع الحال هيجي..................... تحياتي

ايباخ واقع الحال شنو ماكو هيج حجي عيني غلطان

ولله احصائيات دوليه موثوقه ادكول كل ذكر عراقي اتقابله عشر ايناث يعني لازم كل واحد يزوج عشره حته متعنسون....... هههههههههههههههههههههه

والله لو يبقى اخر يوم بعمري ما أزوج واحد متزوج او عنده استعداد يزوج عليه

اعدمه
Exclamation

يمعوده تره هذه بس حجي احصائيات دخل نتزوج وحده عود بعدين انفكر بلتسعه لتخافون

طبعا الموضوع كلش حلو ومهم وبي بعد ويا مديرتنا نظريتج عن علاقات الجامعة غلط مع احترامي لرأيج وما اعتقد نسبة 1% صح لأن النجاح يعتمد على البنية بالدرجة الاساس لأن اكو مصل يكول الباب اليجيك منة الريح سدة واستريح واعتقد بنظري واللي شفتة كبالي انه كثير من العلاقات ناجحة وهي في الجامعة واستمرت واتزوجوا
بس كلمة اخيرة العلاقة تنجح لو مهما يصير اذا كان الولد والبنية نيتهم صافية والله محد يوكف بطريقهم وتقبلي مروري ولتزعلين من ردي بس حبيت اوضح لا اكثر تحياتي يا مديرتنا الوردة

مشكور مصطفى طبعا اني مقصدت الكل لتزعل علينه يمعود و تحياتي الك و للجميع