يل بهمك ملابس لابستني
وثوب الحزن بيك لابستني
اجيتك لاصالحتني لا بستني
ولاكتلي جذب حقك علية
تسودن دهري وعضني برحى
واصيح احى خلاني برحى
عضة ماكفت عضني برحى
حنت رحتة وماحن علية
دكافي من البعد ياترف بس بس
ومنو البذنك علة الهجران بس بس
كبل تركظ تجي لو صحت بس بس
شجاك شغيرك هسة علية
اوفي بل ضماير ردت يوعان
طحت ماشفت نهم كام يوعان
وبدي وكلت اخوي الجان يوعان
مسح حلكة بقميصي وعض ادية
بدمع عيني اكتبتلك خاطرانة
والك مايوم كاسر خاطرانة
غير انتة تجيني خاطرانة
اجيلك معتني زحوف علة ادية
هذاالك موش اعليك كلبي
اعز الناس والله واعز من كلبي
حبيبي لولاك ماينبض كلبي
يرف ويموت لو ماتمر عليه
ورثنا الكرم عن ابنة وجدنة
وباعز ارواح ضحينة وجدنة
درب للخير والغيرة وجدنة
وعلية سرنا بنهج رب البرية
احبابي بالخجل واظح حياهم
وكبل ماسلمو كلبي حياهم
اذا عيسى الكظو موتة حياهم
احبابي بظحكة ردو روحي لية
هذا البيه كنتـــم لايميني
وعذر مافاد بيــكم لايميني
لو تكتف يسـاري وي يميني
هذاك انه الهوى غالب عليه
حبك من شفـــــاف القلب عتباي
ولانوبه أذكرتنا واوصلت عتباي
أعتب مانفـــــــــــع وياك عتباي
على ياهي أزعـلت واقطعت بيه